Më pak se një vit më parë, Gustavo Matosas u emërua trajneri i kombëtares së Kosta Rikës, skuadër kjo që kishte surprizuar në Botërorin e Brazilit dhe është kthyer në një skuadër problematike për çdo kundërshtar.
Gjërat nuk po shkonin keq, megjithatë trajneri ka vendosur të japë dorëheqjen dhe nuk do të jetë më trajner i Kosta Rikës.
Ka qenë vetë trajneri ai që e ka zbuluar diçka të tillë ku ka folur në lidhje me largimin nga Kosta Rika.
Matosas u shpreh se e kishte menduar diçka të bukur kombëtaren, por në fakt është diçka e mërzitshme pasi duhet të stërvitësh skuadrën pak herë.
Kam kuptuar se të drejtoj një kombëtare është diçka jo produktive megjithëse po vras veten duke parë video. Kam kuptuar se nuk është puna që unë dua të bëj. Nuk është e mjaftueshme të stërvitësh skuadrën një javë në dy muaj dhe kjo më vret mua. Nuk e dija se ishte kaq e vështirë dhe nuk e kam ditur se është punë e mërzitshme. Nuk pendohem dhe nuk largohem me kokën pas sepse kam bërë maksimumin por nuk do të drejtoj më skuadër kombëtare. Nuk është punë për mua”, u shpreh trajneri.
