Kryetari i PD, Lulzim Basha do të mbledhë sot në orën 19:00 aleatët e tij opozitarë.
Mbledhja do të zhvillohet në selinë e PD, ku do të diskutohet aksioni opozitar.
Më herë Basha ka zhvilluar takime edhe me kryetaren e LSI-së, Monika Kryemadhi, e cila menjëherë pas takimit u shpreh se Shqiptarët tashmë janë të vetëdijshëm se në krye të qeverisë është një mashtrues.
Në të njëjtën linjë ka ecur edhe kreu demokrat, i cili nuk tërhiqet nga kërkesa e vazhdueshme për largimin e Edi Ramës.
Por edhe Raporti i OSBE/ODHIR i publikuar mbrëmjen e së mërkurës, është një shkak më shumë për opozitën, e cila ka bërë edhe reagimet e para kundër Ramës për zgjedhjet e 30 qershorit.
Nga ana tjetër, qeveria ende nuk ka dalë me një deklaratë për raportin.
