Forca të shumta policore në bashkëpunim me ato të tatimit hetimor kanë nisur një aksion të madh në Tiranë.
Burime për Boldnews.al, bëjnë me dije se deri tani janë vënë në pranga mbi 30 persona, midis tyre dhe biznesmenë, të cilët janë pjesë e një grupi të cilët në bashkëpunim me njëri-tjetrin janë përfshirë në një skemë të madhe mashtrimi me TVSH-në, ku dyshohet se kanë arritur të përfitojnë miliona euro.
Të njëjtat burime bëjnë me dije se operacioni do të vijojë edhe ditë e ardhshme dhe pritet të tjera arrestime. Ndërkohë burimi bën me dije se personat e përfshirë në skemën e mashtrimit me TVSH-në operojnë kryesisht në fushën e ndërtimit.
Një aksion i ngjashëm u zhvillua në kryeqytet më herët gjatë këtij muaji, megjithatë i përmasave më të vogla. Disa biznesmenë, pronarë të kompanive që linjave urbane në Tiranë u arrestuan pas zbulimit të një skemë që i shkaktoi buxhetit të shtetit një dëm që u vlerësua nga prokuroria rreth 1 miliard lekë. Hetimet zbuluan se falsifikoheshin bileta të transportit urban në kohë dhe periudha të ndryshme, me qëllim shmangien e detyrimeve tatimore dhe përfitim financiar të disa shoqërive operatore në transportin urban në qarkun Tiranë. Përdoreshin bileta urbani të falsifikuara dhe jo të prodhuara në Shtypshkronjën e Letrave me Vlerë, të cilat i kishin hedhur në qarkullim duke përfituar shuma të konsiderueshme monetare.
Kujtojmë që prej disa javësh policia në bashkëpunim me hetimin tatimor ka nisur një luftë kundër bizneseve të mëdha, por që në fund kanë rezultuar një dështim, kujtojmë rastin e ‘Taiwan’, i cili u trumbetua me të madhe nga vetë zv.kryeminsitri Braçe si një ‘dorë e fortë’ e shtetit, por që më pas rezultoi fluskë sapuni.
Ndërkohë që aksione janë ndërmarrë edhe ndaj bizneseve që operojnë në fushën e gazit apo dhe në tregun e mallrave, por që të gjitha kanë qenë vetëm një spektakël mediatik.
/Boldnews.al/
