Deputetët e PS-së në Komisionin e Ligjeve, kanë mbështetur komisionerin Besnik Dervishaj, për një mandat të dytë, në krye të Komisionerit për të Drejtën e Informimit dhe Mbrojtjen e të Dhënave Personale.
Ulsi Manja tha se Dervishaj është kandidatura e vetme që plotëson kriteret.
“Dervishit i ka mbaruar mandati në korrik. Pas thirrjes së këshillit të ministrave, kandidatura e vetme ka qënë kandidatura e Dervishajt për një mandat të dytë. Dervishaj plotëson kriteret, dhe dokumentacioni i tij është i plotë”, tha ai.
Ndërsa, deputeti tjetër socialist Bashkim Fino ka pyetur Dervishajn nëse është në rregull me formularin e dekriminalizimit.
“A jemi në rregull me formularin e dekriminalizimit se mos na del gjë nga këta të PD”, pyeti Fino, ndërsa Dervishaj u përgjigj “unë mbaj përgjegjësi të plotë për çfarë kam plotësuar në formular”
