Me nisjen e sesionit të ri parlamentar ka nisur edh elevizja e opozitës me takimet e shpeshta. Një ditë pas takimit me delegatët, Lulzim Basha ka takuar ditë ne sotme aleatët. Prej dy orësh Basha zhvilloi një takim me kryetaren e LSI-së, Monika Kryemadhin.
“Kusht i shqiptarëve është se votimet e 30 qershorit treguan se 85 % nuk e duan Ramën. Çdo shqiptar proteston çdo ditë. Urrejtja dhe mallkimet që bëjnë shqiptarët kur hapin rubinetat është protestë. Kemi një parlament të dështuar”, u shpreh Monika Kryemadhi pas përfundimit të takimit me kreun e PD-së Lulzim Basha.
Ditën e nesërme Basha do të takohet me aleatët e vegjël opozitar.Ende vijon kriza politike në vend. Opozita ka bojkotuar parlamentin, maxhoranca vijon punën. Opozita paralajmëron për protesta. Dy ditë më parë nisi punimet kuvendi, ndërsa dje u përcaktua Plani Hetimor në Komisionin Hetimor për shkarkimin e Presidentit Meta. Nga ana tjetër presidenti bën thirrje se kriza zgjidhet vetëm me futjen e vendit sërish në zgjedhje.
