Një shqiptar është vënë në pranga nga policia greke pasi trafikonte kanabis. Lënda narkotike u kap nga oficerët e njësisë së drogës në Igumenicë të shtunën e shkuar, falë ndihmës së çmuar të një qeni të trajnuar posaçërisht të quajtur “Avra”.
Në video shfaqet qeni duke gërvishtur me thonj pjesën e pasme të sediljes së një automjeti.
Në automjetin e 22-vjeçarit shqiptar në Rripin Sagiada, dhe në hetimin pasues, qeni i policisë gjeti lëndën narkotike e fshehur poshtë sediljeve. Droga ishte e ndarë në 14 pako, me peshë totale 15 kg e 500 gram.
