Largimi i Adi Krastës nga News 24, dhe lajmi se mbyllja e emisionit të tij në këtë tv është bërë me urdhër të kryeministrit Edi Rama, ka sjellë reagime të shumta të cilat janë të gjithë në mbrojtje të gazetarit.
Lidhur me këtë çështje gazetari i njohur Agim Xhafka, i njohur për batutat dhe ironitë e tij therëse, ka lëshuar një tjetër ‘bombë’, duke tallur naivët që besojnë se Rama nuk mbyll emisione dhe se largimi i Krastës ka ardhur nga ana e pronarit të medias.
Sipas Xhafkës Rama është tërhequr nga largimi i Krastës dhe ka lejuar që emisioni i tij të vijojë në News 24, por me kushtin që ky emision të transmetohet në mëngjes herët para emisionit të Bashkim Hoxhës.
Ja ironia e Xhafkës:
Rama ka rënë dakort që Krasta ta vazhdojë emisionin e vet te News 24,por në ditë e orar të ri.
Do e shohim çdo të hënë herët në mëngjes,fiks para emisionit të Bashkimit.
