Nënkryetari i PD, Edi Paloka ka reaguar pasi Komisioni Hetimor parlamentar miratoi planin e hetimit për shkarkimin e presidentit Meta, duke caktuar datën 6 shtator si ditën kur ai duhet të paraqitet për të dhënë dëshminë e tij.
Ai shprehet se Rama ka vendosur të zhytet edhe më thellë në çmendurinë e tij antiligjore, antikushtetuese dhe antidemokratike dhe se Shqipërisë i është prerë rruga për hapjen e negociatave për shkak të qeverisë lidhur me krimin dhe shkeljen e ligjit dhe të Kushtetutës.
LEXO EDHE: Hetimi parlamentar për Presidentin/ Meta thirret për të dëshmuar më 6 shtator
Postimi i Palokës:
Vazhdimi i lojes me te ashtuquajturin “komision hetimor per shkarkimin e Presidentit te Republikes” tregon qartazi se Rama ka vendosur te zhytet edhe me thelle ne cmendurine e tij antiligjore, antikushtetuese dhe antidemokratike.
Ai qe emeroi Valdrin Pjetrin dhe qe vazhdon te mbroje Kajmakun , kercenon me shkarkim Presidentin e Republikes vetem sepse ne zbatim te detyrave te tij kushtetuese mori vendime qe prishen planet e Rames per te futur vendin ne gjakderdhje.
Shqiperise tanime i eshte prere rruga per hapjen e negociatave prej nje qeverie te lidhur me krimin e qe shkeljen e ligjit e te Kushtetutes e ka kthyer ne rutine , por nuk mund te lejojme qe cmenduria dhe babezia e nje njeriu te na ktheje vite mbrapa.
Shqiptaret meritojne Evropen jo Edvin Ramen!
