“Aksident i rëndë në Fushë Krujë, narkopolicia bën sehir!”. Kështu shkruan ish-Kryeministri Sali Berisha në rrjet, ndërsa publikon një foto ku shfaqet një polic, që është hutuar dhe nuk vepron, ndërkohë që pak metra larg tij, është një makinë e përmbysur.
“Lexoni mesazhin, shikoni foton e qytetarit dixhital”, shkruan Berisha, duke postuar mesazhin e mëposhtëm.
Denoncimi
Përshëndetje Doktor!
Ky aksident ka ndodhur sot në Fushë Krujë, pak para se të hysh në autostradë.
Trafiku ishte i bllokuar për shumë minuta me radhë për shkak se nuk vinin të pastronin rrugën.
Vetëm Policia kishte mbetur, duke shikuar mbetjet e copave të makinës nga aksidenti.
Për të sëmurin nuk po flas hiç, meqenëse nuk di çfarë ndodhi me të dhe a u transportua në kohën e duhur për në spital, pasi trafiku ishte shumë i madh.
Ps: Shqetësimi im është ky: Edhe sa njerëz të tjerë duhet të aksidentohen për shkak të kësaj qeverie famëkeqe, e cila në rrugë nuk ka vendosur sinjalistikat e duhura?!
