Mblidhet Komisioni Hetimor për shkarkimin e Presidentit Ilir Meta. Në këtë mbledhje u miratua Plani Hetimor në lidhje me shkeljet që mund të ketë bërë Presidenti Meta dhe pika tjetër është Procesverbali i Punës që do të zhvillohet në vijim.
Ky komision ka si objekt pune verifikimin e procedurës së ndjekur nga kreu i shtetit për zhdekretimin e datës së zgjedhjeve lokale (30 qershorin).
Mësohet se gjatë muajit gusht në sekretarinë e komisionit kanë mbërritur disa përgjigje nga institucionet publike si Komisioni Qendror i Zgjedhjeve, Kolegji Zgjedhor, Policia e Shtetit dhe Prokuroria për këtë çështje.
Po kështu është përgatitur edhe një listë me personat që do të thirren për të dëshmuar para Komisionit, e cila ende është sekrete.
Pritet që të dëshmojë më datën 6 shtator, para këtij komisioni presidenti Meta, por ende nuk dihet nëse do të pranojë apo jo ky i fundit.
Gjatë këtij hetimi nuk do të mundojnë edhe ekspertët e Komisionit të Venecias, të cilët do të japin opinionin e tyre në lidhje me ligjshmërinë e veprimeve të Presidentit. Ata pritet të mbërrijnë në Tiranë po këtë javë.
