Ish-kryeministri Sali Berisha ka publikuar sot skemën që qeveria po përdor për të mbuluar skandalin e importit në Shqipëri të qindra ton pesticide të skaduara, nga ish-ministri i Bujqësisë, Niko Peleshi.
Atë që zbuluan drejtuesit e AKU-së dhe KLSH-ja, kryeministri Rama po e fsheh duke përdorur Agjensinë Kombëtare të Informacionit të drejtuar nga Mirlinda Karçanaj.
“Ja si u futën pesticidet e ndaluara në Shqipëri! Akuza të rënda për narkoqeverinë dhe Niko Pesticidin për helmimin e qytetarëve. Ndrikulla e AKSHI fsheh me banditizëm skandalin. Këto janë akuzat e qytetarit dixhital, lexoni mesazhin e tij”, shkruan Berisha, duke postuar edhe denoncimin që ka mbërritur në adresën e tij.
Denoncimi i publikuar nga ish-Kryeministri
Mirëmbrëma Doktor, ju uroj të jeni mirë me shëndet. Doja të ndaja informacion për skandalin e pesticideve.
Arben Shyti, ish-drejtues i AKU, e ka zbardhur këtë skandal para rreth 1 viti, më pas atë e kanë hequr nga puna. Ky person është socialist i thekur por me integritet, e them nga njohja personale që kam, Arbeni e thotë gjithmonë se nga puna e ka hequr ish-ministri i Bujqësisë Niko Peleshi (Niko Pesticidi)
Skandali mbeti vetëm një lajm për gati një vit, para pak kohësh KLSH ka audituar AKU-n dhe ka evidentuar shkelje të mëdha me lejimin e importit të pesticideve të ndaluara në Shqiperi,
Nga kurioziteti, sot vizitova faqen e KLSH ku zakonisht publikohen auditimet dhe vendimet e këtij institucioni por jo si zakonisht, faqja nuk funksionon, rubrika është, por nuk hapet asgjë, pasi linkun e kanë bërë jofunksional.
Kontrollin mbi KLSH qeveria po e bën nëpërmjet AKSHI-s duke nxjerrë jashtë funksionit, faqen ëeb të KLSH.
Niko Pesticidi, nuk u mjaftua duke vjedhur financimet e partnerëve europianë, por ka importuar qindra ton pesticide të skaduara dhe të palejuara nga Kina.
Edhe metoda e subvencionimit të bujqësisë, duke hequr TVSH e importit të imputeve, dyshoj se është bërë me qëllimin për t’i shërbyer skemës dhe rrjetit të ngritur të Niko Pesticidit.
http://www.klsh.org.al/…/Auditime_Rregullshmerie_3942_1.php
Ps: Për rikujtesë, ndrikulla e AKSHI-t është hajdutja që ka firmosur 46 kontrata sekrete, në të cilat burri i motrës së Linda Bashës, Franko Mafia, bën kërdinë. Ndërkohë që gjer në vitin 2013, AKSHI nuk kishte firmosur asnjë kontrate të vetme sekrete!”
