Ish-kryeministri Sali Berisha ka publikuar në rrjet denoncimin e një qytetari lidhur me ngjarjen e ndodhur mbrëmjen e djeshme në Fier, ku mbetën të plagosur 5 persona, pas një konflikti mes dy familjeve në Levan.
Referuar denoncimit të Berishës, njerëz të dërgura nga Armando Subashi, kryebashkiaku i Fierit, po mundohen të nxjerrin jashtë funksionit kamerat e spitalit, për të fshehur krimin e rëndë.
“Narkoshteti në shërbim të kriminelëve për të mbuluar gjurmët e krimit!”, shkruan Berisha, duke publikuar mesazhin e qytetarit dixhital.
Postimi i plotë nga ish-Kryeministri
Narkoshteti në shërbim të kriminelëve për të mbuluar gjurmët e krimit!
Lexoni mesazhin e ardhur mbrëmë vonë të qytetarit dixhital. Sb
Doktor në këto momente në spitalin e Fierit po prishin sistemin e kamerave që të duken sikur kanë kohë që nuk fuksiononin,vetë Armando Subashi ka çuar njeri të besuar për këtë punë, të lutem anonim jo se kam frike nga këta Komunista se pa punëe jam por për njerzit e families!