Një ndeshje e jashtëzakonshme është luajtur në ‘Allianz Stadium’, ndërmjet Juventus dhe Napolit. Derbi i javës së dytë në Serie A ka dhuruar emocione të papërshkrueshme por në fund “Zonja e Vjetër” doli fituese me rezultatin 4-3.
Rezultati i këtij takimi u zhbllokua në minutën e 16’, kur Danilo shënoi në debutimin e tij për t’i dhënë avantazhin skuadrës bardhezi.
Vetëm tre minuta më vonë, Higuain dyfishoi avantazhin për vendasit. Festa e tifozëve në Torino nisi në minutën 62’, kur Cristiano Ronaldo shënoi golin e tretë me një kthesë shumë të bukur.
Por atëherë kur të gjithë menduan se ndeshja u mbyll, “zgjohet” Napoli që realizoi tre gola të shpejtë me anë të Kostas Manolas, Hirving Lozano dhe Di Lorenzo. Por emocionet nuk përfundojnë pasi në kromimin e fundit, Juventusi realizon edhe golin e avantazhit 4-3.
Ishte gafa e Kalidou Koulibaly i cili realizoi autogol për t’i dhuruar rivalëve bardhezinj 3 pikë të arta.
Me këtë fitore, Juventusi numëron 6 pikë dhe merr kryesimin në Serie A, të paktën deri në ndeshjen e radhës të Interit.
