Policia dhe protestuesit u ndeshën në Hong Kong për fundjavën e 13-të radhazi të protestave pro-demokracisë. Protesta e ditës së sotme u mbajt mes gazit lotsjellës dhe zjarrit. Ndërkohë policia përdori ujin për të shpërndarë protestuesit dhe për të shuar zjarrin. Në ndihmë të policisë dolën edhe avionët që u përdorën për të hedhur ujë mbi protestuesit me qëllim shpërndarjen e tyre.
Më parë gjatë ditës, mijëra njerëz dolën në rrugë për një seri protestash të egra. Policia ngriti barrikada në rrugët kryesore rreth Zyrës Ndërlidhëse të Kinës, e cila përfaqëson qeverinë kontinentale. Ndërkohë që protesta mori përmasa të dhunshme pranë zyrave të qeverisë së Hong Kongut. Protestuesit hodhën bomba benzine dhe objekte të tjera, dhe policia u përgjigj me gaz lotsjellës dhe top uji.
Përplasjet midis protestuesve dhe policisë lëvizën nëpër qendrën e qytetit. Në përgjithësi, përgjigjja e policisë ishte më e shpejtë dhe më e ashpër sesa në javët e kaluara, mbase në shenjë të durimit të tyre.
