Ndërron jetë turistja izraelite e cila u plagos dje në Elbasan, në një aksident rrugor. Viktima është M.N., 31 vjeçe, e cila udhëtonte me motor bashkë me një tjetër person, po nga Izraeli.
Aksidneti – Në lagjen ‘Emin Matraxhiu’, Elbasan, mjeti tip ‘Toyota’ është përplasur me motoçikletën tip ‘Honda’, ku ndodheshin dy tursitët e huaj. Në këtë aksident u përfshi edhe një mjet tjetër tip ‘Audi’. Për pasojë u dëmtuan drejtuesi dhe pasagjeria e motoçikletës, shtetasia M.N., 31 vjeçe. Të lënduarit u transportuan në spital, por e reja nuk mundi të mbijetojë. Ndërkohë, drejtuesi i motorit ndodhet jashtë rrezikut për jetën.
Specialistët për Qarkullimin Rrugor në Drejtorinë Vendore të Policisë Elbasan, arrestuan në flagrancë shtetasit: F.M., 30 vjeç, banues në Elbasan dhe N.S., 42 vjeç, banues në Zefat, Izrael. Ata akuzohen për veprën penale “Shkelje e rregullave të qarkullimit rrugor”.
