Qendërmbrojtësi i FC Shkupi, Amir Bilali, ka vendosur që të rikthehet sërish në kampionatin shqiptar të futbollit. 25-vjeçari do të nënshkruajë sot kontratë 2-vjeçare, me opsion vazhdimi për më tej, me Partizanin, kampionin aktual të Superligës së Shqipërisë. Ai e njeh mirë kampionatin shqiptar, pasi më herët ka qenë pjesë e Teutës së Durrësit. Bilali ka përvojë ndërkombëtare, ngaqë i ri ka luajtur edhe për moshat e Lazio. Po ashtu, pati mundësinë të luante edhe në disa klube sllovene.
Si futbollist i Shkupit, Bilali luajti ndaj gjigantit skocez, Glazgow Rangers. Partizani me Bilalin do të përforcojë edhe më shumë repartin difensiv. Te të kuqtë nga Tirana do të gjejë shqiptarët e tjerë nga Maqedonia e Veriut, Jasir Asani, Besnik Ferati dhe Egzon Belica. Ai ka edhe pasaportën shqiptare, ndaj ky fakt e lehtëson Partizanin në numrin e lojtarëve të huaj, që mund të aktivizojë gjatë një ndeshjeje.
Nga Shkupi, RESHAT IBRAHIMI
