Padia e KLD-së për sulmin e paprecedentë publik nga ana e ministrit të Brendshëm Saimir Tahiri ndaj një gjyqtari, ka mbërritur në Prokurorinë e Përgjithshme.
Saimir Tahiri është paraqitur sot në organin e akuzës, për të dhënë shpjegime pas sulmeve të tij publike ndaj gjyqtarit Arjan Aliaj. Adnan Xholi dhe Altin Binaj do të marrin dëshminë e Tahirit.
Aliaj ishte gjyqtari që dha vendimin për pezullimin nga detyra të drejtorit të Përgjithshëm të Policisë së Shtetit, Haki Çako duke e akuzuar për përgjim të paligjshëm me anë të pajisjes IMSI CATCHER.
Pas pezullimit të Çakos, Tahiri doli disa herë publikisht duke sulmuar gjyqtarin Aliaj. Ai tha se argumentet ligjorë të gjyqtarit janë banale dhe nuk kanë të bëjnë me zbatimin e ligjeve të vendit, por me prapavijë politike.
“Nuk janë argumente për të mbajtur në arrest shtëpie, por për të bërë qokën e radhës politike. Gjyqtarë të tillë nuk janë të denjë për t’i shërbyer qytetarëve. E gjitha kjo bëhet për të penguar reformë në drejtësi”, tha Tahiri
