Ministri i Drejtësisë, Ylli Manjani, ka shkarkuar sot Florjan Hysin nga detyra e kreut të Hiptekës Gjirokastër.
Shkarkimi nga detyra është bërë mbështetur në nenin 19, pika 2 të ligjit nr. 33/2012 “Për regjistrimin e pasurive të paluajtshme”, të ndryshuar, ka ardhur si pasojë e mospërmbushjes të rregullt të detyrës së ngarkuar nga ligji.
Shkaqe të kësaj mase disiplinore që u vlerësuan nga ministri Drejtësisë janë: mosrepektimi i afateve për trajtimin dhe dhënien e shërbimit të kërkuar nga qytetarët; mungesë të theksuar në administrimin e funksionit publik; performancë e ulët gjatë ushtrimit të detyrës.
Ministri Manjani gjen rastin të përsërisë edhe njëherë qëndrimin e tij për të mos toleruar asnjë rast të shpërdorimit të funksionit publik në shërbim të qytetarëve.
