Një grua e moshës 50 vjeç për pak sa nuk ka bërë gjëmën në fshatin Grabovicë të Pogradecit. N. B ka shkuar ti vendosë flakën plehrave, por zjarri i ka dalë jashtë kontrollit, duke djegur 5 dynymë vreshta, barishte dhe shkurre.
Lajmin e bën të ditur policia e Pogradecit që ka bërë edhe ndalimin e gruas.
Njoftimi i policisë:
Specialistët për Hetimin e Krimeve në Komisariatin e Policisë Pogradec, filluan procedimin penal në gjendje të lirë ndaj shtetases:
N.B, 50 vjeçe, banuese në fshatin Grabovicë Pogradec.
Procedimi ndaj saj filloi pasi, në fshatin Grabovicë, duke djegur një sasi mbeturinash, shtetases N.B, i ka dalë zjarri nga kontrolli dhe për pasojë është djegur një sipërfaqe prej 5 dynymë vreshtë, barishte dhe shkurre.
Materialet i kaluan Prokurorisë pranë Gjykatës së Shkallës së Parë Pogradec, për veprën penale “Shkatërrimi i pronës nga pakujdesia”.
