Me nota të forta ironie, shoqërohet reagimi i deputetit Lefter Maliqi ndaj urdhrit të paprecedentë të kryeministrit Edi Rama, i cili lajmëroi zëvendësimin e drejtorëve në Shkodër me femra.
Në një postim në Facebook, Maliqi shkruan: “Edije quhet emri i ri i Kryeministres. Plasin konfliktet mes çifteve dhe bashkëshorteve ne Shqiperi. Pas publikimit nga rilindasi Edi që drejtuesit ne Shkoder duhen femra, çiftet kanë vendosur të lindin vetëm vajza. Po ti kenë djem do i abortojnë. Djemtë tek ne nuk kane te ardhme. Edi Kryeminister i popullsisë vetem me gra. Pritet qe Edi te ndërroj emrin se duhet grua Kryeministrja, po keshtu dhe ministrat. Edi = Edije, Pandeliu Pandora, Erjoni = Erjona, Blendi = Bleda, Sandri = Aleksandra, Genti = Genta, Çuçi = Cuca”.
“Gjithe ky ndryshim dhe kjo masë ndeshkuese per burrat eshte se Edi ose Edija ja di vleren grave pa mbarim ne Bashki e Qeveri. Kjo tregon se Edi njihet si respektues i te drejtave te grave dhe eshte kundra dhunes ndaj grave”, e mbyll reagimin deputeti.
