Monumenti në Parkun e Liqenit për viktimat e grushtit të shtetit në Turqi është vandalizuar gjatë natës së shkuar.
Sot në mëngjes, disa oficerë policie ishin përreth monumentit, një pjesë e pllakës përkujtimore të të cilit ishte thyer. Siç shihet në foto, cepi i sipërm në të djathtë të pllakës është i thyer.
Monumenti u ngrit më 15 korrik, në trevjetorin e grushtit të dështuar të shtetit në Turqi.
Në mënyrë krejt të pazakontë, Bashkia e Tiranës e mbajti të fshehtë ngritjen dhe inaugurimin e memorialit.
Kryeministri Edi Rama u prit nga Presideti i Turqisë Rexhep Tajip Erdogan vetëm tri ditë më vonë. Që prej ngritjes së memorialit duket se marrëdhëniet e ftohura midis të dyve u ripërtërinë.
Mbi 10 mijë vetë firmosën një peticion që kërkonte heqjen e këtij memoriali. Disa qytetarë mbajtën edhe një protestëpër heqjen e tij.
Prishja e memorialit turk tek Liqeni, reagon policia: Autori…
