Mateus Pereira është larguar nga Juventusi, teksa është bashkuar me francezët e Dizhon.
Mesfushori 21-vjeçar ka kaluar në Ligë 1, si huazim me të drejtën e blerjes në fund të sezonit, në rast se bind me paraqitjet e tij.
Për lojtarin është një rikthim në kampionatin francez pasi në 2017-ën luajti i huazuar te Bordo, por pamundur të aktivizohet asnjë ndeshje. Braziliani bëri debutimin e tij në Serie A me Empolin, në sezonin 2016-2017 dhe në fund të sezonit u ble nga “Zonja e Vjetër”.
Sezonin e fundit lojtari u aktivizua me 23-vjeçarët e Juventusit të cilët militojnë në Serie C dhe zhvilloi 23 ndeshje duke shënuar edhe 5 gola. Gjithashtu Pereira u aktivizua edhe me ekipin e parë të drejtuar nga Alegri, teksa zhvilloi 3 ndeshje në Serie A në fund të kampionatit.
🚨 ⚡️OFFICIEL : Matheus Pereira est prêté avec option d’achat par la @juventusfc
Les détails ➡️https://t.co/TZ3wwtOyZ1#Mercato #BemvindoMatheus pic.twitter.com/pvyHp6zHFM
— Dijon FCO (@DFCO_Officiel) August 29, 2019
