Nga Boldnews.al
Kryetari i Bashkisë së Tiranës vazhdon që të zhvasë pronat publike, duke ia dhënë privatit, apo betonizuar. Pas Këndit të Lojërave në Liqenin Artificial, Erion Veliaj ka bërë parkime edhe dy sheshe që fare mirë mund ti ktheheshin qytetarëve, në formën e parqeve.
Boldnews.al disponon dokumentet e këtyre projekteve, ku mësohet se do të bëhen parkime publike fushat e sportit në Qytetin Studenti dhe oborri i Pallatit të Sportit Asllan Rusi. Sipas të dhënave, Veliaj ka hapur procedurën për “Punime civile për ndërtimin e parkimit tek Pallati i Sportit ‘Asllan Rusi’ Tiranë, në vlerën 37,949,577 lekë pa TVSH. Kohëzgjatja e kontratës ose afati kohor për ekzekutimin.
Ndërkohë, janë hapur punime për ndërtimin e parkimit tek fusha e sportit “Qyteti Studenti” në Tiranë, në vlerën 39.904.585 lekë. Të dyja projektet do të kushtojnë 77.854.162 lekë.
Fushat në Qytetin Studenti
Sipas dokumenteve, ndërtimi i këtij parkimi ka për qellim sistemimin e Autobuzave që të do të bëjnë linjat e transportit interurban. Gjithashtu pjese e këtij parkingu do të jete dhe pjesa e parkingjeve me pagese për auto veturat, e cila do te shfrytëzohet për nevojat urbane. Ky parkim do të ndërtohet në Rr.Arben Broci në Tirane, pranë Qytetit Studenti. Sheshi i parkimit kufizohet me rrugën Arben Broci në pjesën veriperëndimore nga ku do të bëhet edhe hyrja për në parking, si dhe në pjesën jugore dhe kufizohet me Rr.Gramoz Pashko. Në pjesën lindore prona kufizohet me ambiente të Qytetit Studenti. Parkimi si pjese integrale e objektit do të ketë zonën e pritjes se pasagjereve, tualete publike të ndara për meshkuj dhe femra si dhe për persona me aftësi te kufizuar. Rrethimi i parkingut do të realizohet nëpërmjet bordurave të betoni si dhe trotuareve në të cilën do të kalojnë këmbësoret. Hyrja dhe dalja nga parkingun e autobusave do të bëhet nëpërmjet një trau elektrik i cili do të monitorohet nga menaxheri i parkingut, i cili do të ketë dhe ambienti në të cilën do të kryej gjithë procedurat e regjistrimi të orareve të hyrjes dhe daljes së autobuzave dhe kohen e qëndrimit në parking. E njëjta metode kontrolli do të ndiqet dhe për zonën e parkingut të autoveturave.
Sheshi te Asllan Rusi
Në dokumentet e siguruara nga Boldneës.al thuhet se ndërtimi i këtij parkimi ka për qellim sistemimin e Autobuzave që të do të bëjnë linjat e transportit ndërkombëtare, si dhe sistemimin e Agjencive të tyre brenda hapësirës se këtij parkingu. Gjithashtu pjese e këtij parkingu do të jete dhe pjesa e parkingjeve me pagese për auto veturat, e cila do te shfrytëzohet për nevojat urbane. Ky parkim do të ndërtohet në sheshin para dhe pas ndërtesës se Pallatit të Sportit Asllan Rusi, në rrugën Artan Hoxha Tirane. Sheshi i parkimi është i vendosur në pjesën verilindore të truallit i cili kufizohet me rrugën Artan Hoxha gjë e cila shërben dhe si hyrje për në parking, si dhe në pjesën jugperëndimore dhe kufizohet me disa prona private. Parkimi si pjese integrale e objektit do të ketë zonën e pritjes se pasagjereve, tualete publike të ndara për meshkuj dhe femra si dhe për persona me aftësi te kufizuar. Rrethimi i parkingut do të realizohet nëpërmjet bordurave të betoni si dhe trotuareve në të cilën do të kalojnë këmbësoret. Kjo është për pjesën e parkingut te autobuzave. Sa i takon zonës së parkingut me pagese për autoveturat e cila do të funksionoj e tille në ditët normale, ndërsa në rastet kur do të zhvillohen aktivitete sportive apo kulturore ajo do të ruaj funksionin e mëparshëm duke i shërbyer pikërisht atij qëllimi. Rrethimi i kësaj zone do të realizohet pjesërisht me trotuare në te cilën do te kalojën këmbësoret, dhe në pjesën ballore do të rrethohet me kangjella metalike.
Hyrja dhe dalja nga parkingun e autobuzave do të bëhet nëpërmjet një trau elektrik i cili do të monitorohet nga menaxheri i parkingut, i cili do të ketë dhe ambienti në të cilën do të kryej gjithë procedurat e regjistrimi të orareve të hyrjes dhe daljes së autobuzave dhe kohen e qëndrimit në parking. E njëjta metode kontrolli do të ndiqet dhe për zonën e parkingut të autoveturave.
00. Relacion Teknik Parkim A.Rusi
01. Specifikimet Teknike Ndertimore Q.S
02.Planvendosja e Parkimeve dhe Topografia
Formulari_i_njoftimit_te_kontrates A.R
Formulari_i_njoftimit_te_kontrates Q.S
