Kryeministri Edi Rama ka ndërmarrë një nismë të padëgjuar ndonjëherë, duke shkarkuar nga të gjitha drejtoritë dhe postet drejtuese në Shkodër burrat dhe në vend të tyre do të emërohen vetëm gra. Ndërsa nisma është zyrtarizuar ditën e djeshme në mbledhjen e kryesisë së PS-së, ditën e sotme, burime bëjnë me dije se drejtorët meshkuj, kanë depozituar dorëheqjet e tyre në ministritë përkatëse tek të cilat janë në varësi.
Sipas informacioneve, shkarkimet nuk janë definitive pasi do të rivlerësohet aspekti professional dhe kontributi politik.
Kujtojme se kreu i grupit parlamentar të PS-së, Taulant Balla foli dje pas takimit të kryesisë në selin rozë ku pasi tregoi një pjesë të axhendës së kësaj mbledhjeje, tregoi gjithashtu edhe hapat që do të merren për rikthimin e normalitetit sipas tij në bashkinë më të madhe në Veri të vendit, atë të Shkodrës.
Ditën e djeshme, kryetari i Partisë Socialiste dhe njëherësh kryeministri i vendit, Edi Rama ka mbledhur kryesinë e PS-së si dhe drejtuesit kryesor në Qarkun e Shkodrës, dhe temë kryesore e këtij takimi ka qenë situata në kë qark pas precedentit të krijuar me Valdrin Pjetrin.
Në këtë ka kërkuar dorëheqjen e të gjithë drejtorëve burra ndërkohë që është shprehur se nuk ka asgjë personale me ta, por që duhet të zëvendësohen nga gratë.
Lista e Drejtorëve të dorëhequr në Shkodër
Kadri Ymeri – Drejtor i DAR Shkodër;
Mustaf Kraja – Drejtor i Bujqësisë Shkodër;
Luan Heta – Drejtor i HEC Vau Dejës;
Edmond Emini – Drejtor i Postës Shkodër ( Kryetar i PS Shkodër );
Agim Dardha – Drejtor Administrata e Zonave te Mbrojtura ne Shkoder;
Astrit Beci – Drejtor i Shendetit Publik Shkoder.
Flitet se dorëheqjen e ka dhene edhe Ardian Dajti – Drejtor i Spitalit të Shkodrës, megjithate nuk ka ende nje konfirmim.
