Gjithë Policia e Tiranës është angazhuar për arrestimin e autorëve që vranë Santiago Malkon mbrëmjen e djeshme në kryeqytet. Duket se autorët kanë patur një plan për tu arratisur dhe që të mos linin asnjë gjurmë. Ne vendin e ngjarjes është vetëm kamera e një lavazhi që ka filmuar disa momente, por që nuk zbulon prova për policinë për të identifikuar autorët.
Edhe makina që u gjet e djegur nuk ka asnjë gjurmë dhe duket se do kemi një tjetër ngjarje të rëndë në Tiranë, të pazbardhur. Santiago Malko dyshohet se është ndjekur për më shumë se 30 minuta në Tiranë.
Ai po lante makinën në një lavazh dhe dy automjete ku ishin fshehur autorët, po qëndronin në pritje. Sapo Santiago doli nga lavazhi, njëra prej makinave e ka parakaluar dhe i ka bllokuar rrugën, ndërkohë që nga tjetra është qëlluar me kallashnikov më shumë se 10 herë. I riu gjeti vdekjen e menjëhershme.
Policia ka kontrolluar makinën BMV të Santiago Malkos, ku ka rezultuar se ai nuk kishte armë me vete. Po kështu gjatë kontrollit janë gjetur edhe një sasi e konsiderueshme parash që Santiago i mbante me vete.
Policia shoqëroi 10 persona për ngjarjen dhe tha se ka shpallur në kërkim një nga autorët e dyshuar me inicialet D.A, por ende nuk ka një pistë për vrasjen.
Hetimet janë përqëndruar te hakmarrja, pasi Santiago Malko ishte kontigjent i krimit dhe dyshohet se është marrë me gjobëvënie.
Malko ka qënë për 3 muaj pjesë e patrullës së policisë, si dhe ishte pronar i disa pikave të basteve në Tiranë, deri në dhjetor të 2018-së. Edhe gruaja e Santiago Malkos ka qenë pjesë e rapartit të “Shqiponjave” në Policinë e Shtetit. I riu ishte i martuar me ish-efektiven e Policisë Dea Riçku, me origjinë nga Dibra dhe së bashku kishin dy fëmijë, një vajzë tre vjeçe dhe djalin 14 muajsh. Çifti ishte njohur dhe dashuruar në Akademinë e Sigurisë, ku kishin bërë kurs për polic. /Mapo/
