Një shqiptar nga Maqedonia e Veriut, vrau gruan me thikë, ndërsa u u arratis për në Zvicrën lindore, ku u kap nga autoritetet, shkruan gazeta Blick.
Vrasja ka ndodhur në Dietkon pasditen e së hënës, ndërsa autori është identifikuar si Ilir B, nga Maqedonia e Veriut.
Pas kryerjes së krimit ai tentoi të arratisej, duke marrë me vete edhe djalin e vogël, që ndodhej në banesë në momentin e krimit. Raportohet se autori i vrasjes u kap në Trübbach SG.
Një anëtar i familjes i vrasësit thotë se çifti jetonte veçmas.
“Ajo i kishte thënë atij se nuk lejohej të shihte katër fëmijët për ca kohë”. Ai së fundmi u lejua t’i vizitojë ata përsëri, kështu që ai mori me qira një dhomë afër shtëpisë së tyre.
Gruaja donte të ndahej nga burri i dhunshëm. “Gjithçka është shumë e pabesueshme dhe tragjike. Luiza është përpjekur të shpëtojë nga ai, sepse ishte i dhunshëm dhe e keqtrajtonte, shprehet një mik i gruas që u vra..
Një fqinj në vendngjarje ka bërë të ditur se e kishte dëgjuar në mëngjes burrin duke bërtitur. Policia e Zyrihut informon se Ilir B. ishte në proces gjyqësor në shkurt të vitit 2018 për dhunë në familje dhe kërcënim ndaj gruas së tij.
Burri u arrestua, u dërgua në prokurorinë publike dhe më në fund iu ndalua kontakti fizik. Katër javë pas ndalimit të kontaktit – të dielën e kaluar në mëngjes – Ilir u përpoq të kontaktonte gruan e tij.
