Santiago Malko, ish-punonjës policie i Patrullës së Përgjithshme, u ekzekutua mbrëmjen e djeshme në Tiranë. 26 vjeçari u qëllua me breshëri automatike, ndërsa humbi jetën në vendin e ngjarjes.
Burime policore bëjnë të ditur se ndaj 26-vjeçarit është qëlluar me automatik kallashnikov, ndërsa policia sekuestroi 9 gëzhoja në vendin e ngjarjes.
Arma automatike u gjet në automjetin e djegur, tip Mercedez, në fshatin Ferras në periferi të Tiranës, ndërsa policia dyshon se ajo është përdorur nga autori ose autorët në krimin e kryer.
Policia ka mundur të identifikojë njërin prej të dyshuarve të ngjarjes që tronditi kryeqytetin. Burime policore bëjnë të ditur inicialet e personit të dyshuar, shtetasit D.A, i cili është shpallur në kërkim, pak minuta pas vrasjes së ish-policit.
Ekzekutimi i ish-policit, viktima u qëllua me plumb në kokë/ Ngjarja e plotë…
