Tirana është tronditur sërish mbrëmjen e sotme, pas disa të shtënave me armë. Burime për Boldnews.al, bëjnë me dije se vetëm pak minuta më parë tek zona e Xhamllikut ku ndodhet ‘Aleati’, është qëlluar me armë drejt një mjeti dhe ka viktima.
Burimet bëjnë me dije se një person ka mbetur i vrarë në një atentat në rrugën Xhanfize Keko në Tiranë, mes zonave së Kinostudios dhe Porcelanit.
Viktima ishte duke udhëtuar me një automjet tip BMW X5, kur mbi të është qëlluar me breshëri automatike.
Nga të dhënat e para mësohet se autorët kanë qenë në një automjet me ngjyrë të kuqe, që është larguar në drejtim të zonës së Freskut.
Policia ka ngritur postoblloqe në pikat kryesore të Tiranës, ndërkohë që e gjithë zona po patrullohet nga efektivë të komisariatit nr 4 dhe ato të Repartit Shqiponja.
Trupi i viktimës ndodhet në automjet, në pritje të ekspertëve kriminalist, ndërsa ende nuk ka të dhëna mbi identitetin e viktimës.
