Pas një debati mes prokurorisë së Krimeve të Rënda te renda dhe asaj te shkalles se pare në Dibër, kjo e fundit është thyer dhe me në fund ka pranuar të regjistroje dosjen e shumëpërfolur të krimit zgjedhor e quajtur 184.
Regjistrimi i dosjes është bërë menjëherë sapo ajo u përcoll nga prokurori Klodian Braho për në Dibër, por vetëm sot lajmi për fillimin e hetimeve nga prokuroria e shkalles së pare është bërë publik. Lajmin e konfirmoi zyrtarisht edhe Prokuroria e Përgjithshme, sipas se cilës, kompetencë për hetimin në vazhdimësi të dosjes 184 me përgjimet për krimin zgjedhor e ka prokuroria e shkalles së parë në Dibër.
Në fillim të shtatorit pritet të hidhet short mes dy prokurorëve te kësaj prokurorie. Ndërkohe ende nuk është e qartë nëse kjo dosje do të hetohet vetëm nga prokuroret e Dibrës, apo do të delegohen prokuror nga Tirana. Pas shpalljes se mos kompetencës nga Krimet e Rënda, prokuroria ra dakord për rinisjen e hetimeve me argumentin se krimi nuk klasifikohet i kryer nga grup i strukturuar kriminal.
Dosja ‘184’ ka të dhëna për krim të dyshuar elektoral. E ashtuquajtura “dosja 184” përfshin hetimin e disa personave, mes tyre edhe zyrtarë shtetërorë në nivel qendror dhe lokale, lidhur me dyshimet për shitblerje të votave në zgjedhjet e pjesshme për kryetar të bashkisë Dibër në 2016. Përgjimet e kësaj dosje edhe pse janë ende nën hetim, janë publikuar edhe në gazetën gjermane “Bild”.
/Boldnews.al/
