Gjykata e Apelit ka lënë në burg Anjeza Shabanin, pronaren e kopshtit “Diren”, e cila dhunoi një prej fëmijëve.
Shabani, e cila ndodhet në burg, apeloi masën e sigurisë të vendosur më parë nga Gjykata e Shkallës së parë, por Apeli ka vendosur ta lërë në fuqi, duke caktuar masën “arrest me burg”.
Shabani ka deklaruar se është penduar dhe se situata i ka dalë nga duart. “Jam penduar. Situata më doli nga duart. Nuk më shkonte ai gjest, e di. Po ta shihni videon, jam penduar që atë moment. Më ngritën kurth, edukatorja mbante qëndrim neutral”, ka thënë Shabani.
