Policia Bashkiake në Tiranë është vënë sërish në qendër të akuzave për abuzim me detyrën. Nisma Thurje bën një denoncim me video.
Ajo i akuzon disa punonjës të policisë bashkiake se i marrin një një arkë me fruta, pa i dhënë asnjë shpjegim. Sipas denoncimit, nuk bëhet fjalë për sekuestrim të mallit, pasi policia e ka urdhëruar më parë tregtaren ta heqë mallin nga zona ku ajo po tregton dhe në video shihet se ajo po vepron në këtë mënyrë.
Por njëri nga policët bashkiakë, në fshehtësi, i rrëmben një arkë me fruta dhe e fut në makinën e policisë. Gruaja e vë re dhe tenton t’ia marrë. I kërkon llogari, por ai nuk pranon t’i japë as arkën dhe as shpjegime.
