Një shqiptar, 37-vjeçar është arrestuar nga policia italiane pasi sipas informacioneve, ai ishte pjesë e një grupi që grabiste makina dhe shtëpi në zonat e Cuneos dhe Torinos.
Gjatë momentit të arrestimit, shqiptari ka bërë rezistencë gjatë arrestimit duke goditur me shkelma dhe grushta dy agjentë, të cilët më pas janë dërguar në spital.
Në makinën e tij,një Audi A 6 me targa shqiptare, policia italiane ka sekuestruar një pistoletë Colt 357 magnum, që rezultoi e vjedhur në Treviso në vitin 2012, dy radiomarrëse, disa kapuçë dhe doreza, një shkop druri, një levë hekuri, dokumenta shqiptare si dhe disa celularë.
Gjithashtu nga ana e policisë është bërë e mundur gjetja e 3 makinave të vjedhura gjatë grabitjeve të shtëpive gjatë natës.
Mbi 37-vjeçarin rëndojnë akuzat e armëmbajtjes pa leje, kërcënim, vjedhje dhe veprime të dhunshme dhe rezistenca ndaj një zyrtari policie.
Pas arrestimi të shqiptarit, policia po vijon intensivisht kërkimet për anëtarë të tjerë të bandës.
