Prokuroria nis hetimet për çështjen e kryebashkiakut të Vorës, Agim Kajmaku, pas depozitimit të padisë nga ana e Partisë Demokratike, se ai është pjesë e dekriminalizimit dhe rezulton me rekorde kriminale ne Greqi.
Burime nga Prokuroria e Përgjithshme bëjnë të ditur se pas nisjes së procedimit penal, përmes një shkrese, kane njoftuar kryebashkiakun Kajmaku për të vënë në dispozicion të saj gjurmët e gishtave, me qëllim verifikimin e situatës.
Pas marrjes së gjurmëve të gishtave, prokuroria pritet ti drejtohet autoriteve greke për të marrë informacion të plotë për kryebashkiakun Kajmaku, dalë nga votimit e 30 qershorit. Ndërkohe mësohet nga burime pranë prokurorisë, se verbalisht, Kajmaku është njoftuar që të premten për dhënien e gjurmëve të gishtave. Rasti i Kajmakut ndryshon nga ai i Valdrin Pjetrit.
Agim Kajmaku ka ndryshuar emrin gjatë qëndrimit në Greqi në Jorgo Toto. Në këto kushte, marrja paraprakisht e gjurmëve të gishtave do të lehtësonte punën për verifikimin e plotë. Agim Kajmaku u vu në qendër të akuzave nga ana e Partisë Demokratike. Sipas Saj, kryebashkiaku i Vorës rezulton me rekorde kriminale në Greqi. PD gjithashtu akuzon edhe kryeministrin Edi Rama se si në rastin e Valdrin Pjetrit, është duke mbrojtur edhe Agim Kajmakun. /Boldnews.al/
