Kryetari i PD-së, Lulzim Basha, tha se kryeministri Edi Rama është në dijeni të dosjes së kryebashkiakut të Vorës, Agim Kajmaku, pasi e kanë informuar partnerët ndërkombëtarë.
Basha tha se Kajmaku ka një dosje të hapur penale në Greqi.
“Edi Rama e njeh dosjen penale të Agim Kajmakut. E kanë informuar partnerët ndërkombëtar.
Pyetja është edhe sa kryebashkiakë të kriminalizuar ka futur Edi Rama?”, tha Basha.
Sipas tij, kriza politike në Shqipëri zgjidhet me zgjedhje të lira e të ndershme, të garantuara nga një qeveri tranzitore pa Edi Ramën.
“Shkodra, Vora dhe lidhjet e Rilindjes me krimin tregojne se Shqipëria është në udhëkryq të rrezikshëm dhe duhet të dale prej saj”, tha Basha.
Lidhur me takimin e zhvilluar me ambasadorin e ri të Gjermanisë, Basha tha se “tek unë kanë një partner për të hedhur çdo hap që zgjidh krizën sipas standardeve, normave dhe parimeve europiane”.
