Ylli i Barcelonës, Ousman Dembele shquhet për bëmat e tij. Ndryshe nga pjesa më e madhe e futbollistëve të klasit të lartë, francezi, shquhet për jetën e tij të shthurur. Këtë gjë e ka konfirmuar edhe ish-kuzhinieri i tij personal, Mikael Naja.
Në një prononcim për “Le Parisien”, ai tregon 22-vjeçari nuk respekton fare periudhat e pushimit dhe nuk ka asnjë strukturë të nivelit të lartë rreth tij.
“Ousmane është një djalë i mirë, por nuk e ka jetën e tij në duar. Ai jeton vazhdimisht me xhaxhain dhe mikun e tij më të mirë, i cili nuk guxon t’i thotë “jo” për asgjë. Rrethi i tij shoqëror nuk e vret mendjen për gjërat që bën ai. Janë të pasur dhe nuk iu intereson asgjë”.
“Ousman bën një jetë të çrregullt. Unë kurrë nuk e kam parë duke pirë alkool, por di të them që ai nuk respekton fare periudhat e pushimit, nuk ka asnjë strukturë të nivelit të lartë rreth ti. Unë u përpoqa për ta organizuar në ngrënie, t’i përgatisja ushqimet e duhura, të respektonte momentet e rikuperimit dhe gjithçka shkoi mirë… Përveç kësaj, kur është pa miqtë e tij, ai është krejtësisht tjetër. Është kurioz, i hapur dhe i përqendruar”.
Të shumta kanë qenë sjelljet jo profesioniste të sulmuesit francez. Gafa e fundit e tij? Sulmuesi nuk u paraqit të shtunën e kaluar për teste mjekësore, që të vlerësonte shkallën e dëmtimit të tij. Ato teste u bënë të hënën dhe rezultati tregoi se kishte pësuar një çarje “brilare” në “femoris biceps” të kofshës së majtë, që do ta detyrojë atë të qëndrojë jashtë fushave në pesë javët e ardhshme.
