Në lagjen “Haxhias” në Elbasan, në ullishte, është gjetur pa shenja jete një e moshuar, e deklaruar e zhdukur nga familjarët.
Burime policore bëjnë me dije se personi në fjalë është Bale Sala, 76 vjeçe, e cila ishte shpallur në kërkim për largim nga banesa me datë 11 gusht.
Sipas policisë, nga këqyrja e trupit nuk janë konstatuar shenja dhune, ndërsa dyshohet se gruaja ka ndërruar jetë për shkaqe natyrale.
Sipas familjarëve, e moshuara vuante nga humbja e kujtesës.
Grupi hetimor ndodhet në vendngjarje dhe po punon për sqarimin e rrethanave të ngjarjes.
“Në lagjen ‘Haxhias’, Elbasan, në ullishte, është gjetur pa shenja jete shtetësia B.S., 79 vjeçe, banuese në lagjen ‘Haxhias’. Shtetasja B.S., ishte shpallur në kërkim për largim nga banesa me datë 11.08.2019. Nga këqyrja e trupit nuk janë konstatuar shenja dhune, dyshohet se ka ndërruar jetë për shkaqe natyrale. Grupi hetimor ndodhet në vendngjarje dhe po punon për sqarimin e rrethanave të ngjarjes”, njoftoi policia.
Zhduket 76-vjeçarja nga Elbasani/ Familjarët apelojnë për ndihmë (Foto)
