Ish-ministri dhe ish-deputeti i LSI-së, Edmond Panariti, i ka drejtuar një thirrje kryeministrit Edi Rama, për t’u treguar i arsyeshëm dhe i përgjegjshëm lidhur me Shkodrën.
Panariti ka reaguar lidhur me vendimin e qeverisë për t’i bllokuar fondet bashkisë së Shkodrës, pasi Valdrin Pjetri i zgjedhuri i Edi Ramës si kryebashkiak, nuk mund të marë detyrën për shkak të ligjit të dekriminalizimit.
“Që ndërprerja e furnizimeve me ujë dhe ushqime, është e njohur si mjet pushtimi i kështjellave mesjetare, kjo dihet. Por që taktika të tilla të përdoren sot në kohë moderne për rotacion pushteti është e pabesueshme! E megjithatë, po ndodh!
Thirrini arsyes, tregojuni të përgjegjshëm dhe mbi të gjitha kursejani Shkodrës dhe qytetarisë së saj, këtë poshtërim!”, shkruan Panariti.
Postimi nga Edmond Panariti
Që ndërprerja e furnizimeve me ujë dhe ushqime, është e njohur si mjet pushtimi i kështjellave mesjetare, kjo dihet. Por që taktika të tilla të përdoren sot në kohë moderne për rotacion pushteti është e pabesueshme! E megjithatë, po ndodh!
Ndërpriten nga pushteti qëndror fondet për rrugë, gjelbërim, pastrim dhe varrim për qytetarët e Shkodrës …
Përse?!
Që pala mesymëse të “pushtojë” Rozafatin!
Ndal!
Boll!
Thirrini arsyes, tregojuni të përgjegjshëm dhe mbi të gjitha kursejani Shkodrës dhe qytetarisë së saj, këtë poshtërim!
