Dy persona kanë humbur jetën si pasojë e një aksidenti rrugor.
Aksidenti ka ndodhur në aksin rrugor Fier-Lushnje, në fshatin Savër, është përplasur automjeti tip “Benz” me drejtues shtetasin E.Gj, 29 vjeç, banues në Pirrë, Lushnje, me automjetin tip “Benz” me drejtues shtetasin I.T, 64 vjeç, banues në Rrapëz, Lushnje.
Për pasojë kanë ndërruar jetë shtetasi Idajet Toshkëllari dhe pasagjerja që ndodhej me të në mjet.
Policia bëri të ditur se po punohet për identifikimin e pasagjeres, pasi nuk ka pasur mjete identifikimi me vete.
Gjithashtu është shoqëruar shtetasi E.Gj dhe po kryen veprimet proceduriale për arrestimin e tij.
Grupi hetimor po punon për zbardhjen e plotë të kësaj ngjarje.