Një staf i madh pune punon për imazhin e kryeministrit Edi Rama. Në rrjetin social facebook të Edi Ramës janë hedhur fotot e kuruara dhe artistike të kryetarit i cili shfaqet i buzëqeshur dhe mjaft i dashur me të ftuarit në festën e 25 vjetorit të Partisë Socialiste.
Kujdesi duket deri në detaj ku në foto është fokusuar dhe bashkëshortja e kryeministrit, gjithnjë e buzëqeshur, e cila mban në qafën e saj një varëse ku shkruan emrin e djalit Zaho.
Partia Socialiste ditën e djeshme festoi një muaj me vonesë, 25 vjetorin e themelimit të saj. Ceremonia festive u zhvillua në lulishten pas selisë së PS -së dhe nisi rreth orës 19:00. Kryeministri Rama mbërriti në festën e PS rreth orës 19:15. Po kështu, në festë ishte i pranishëm edhe Tritan Shehu nga PD -ja.
