Të shtëna me armë zjarri janë shënuar pasditen e sotme në fshatin Topojë të Fierit. Nuk raportohet për persona të lënduar.
Sipas një rindërtimi paraprak të ngjarjes nga policia, ora shënonte rreth 19:00, kur nga 1 automjet është qëlluar me armë zjarri në ajër. Policia njoftoi se ka identifikuar autorin dhe po punon për kapjen e tij. Ndërkaq, një grupi hetimor është ngritur dhe po punon për zbardhjen dhe sqarimin e rrethanave të ngjarjes.
Sipas banorëve të zonës, autori ka debatuar me drejtuesin e autobusit, i cili ishte i ndaluar në rrugë, duke i kërkuar që të hapë rrugën. Në debat e sipër për hapjen e rruges, drejtuesi i makinës private, ka hyrë në automjetin e tij, ka marrë armën dhe ka gjuajtur në ajër para autobusit.