Një aksident automobilistik është regjistruar para pak minutash në Cërrik. Drejtuesi i një automjeti ka humbur kontrollin dhe ka dalë nga rruga duke përfunduar në një lokal. Pas ngjarjes ai është larguar por falë reagimit në kohë të Policisë është ndaluar dhe është shoqëruar në Komisariat.
Ngjarja ka ndodhur në vendin e quajtur “Kryqëzimi i Yllit” dhe si pasojë janë aksidentuar lehtë 5 persona.
Njoftimi:
Cërrik
Në vendin e quajtur “Kryqëzimi i Yllit”, Cërrik, drejtuesi i mjetit J.Ç., 38 vjeç, nga Cërriku, ka humbur kontrollin e automjetit dhe ka dalë nga rruga duke përfunduar në një lokal.
Për pasojë janë lënduar jashtë rrezikut për jetën 5 persona, që ishin duke drekuar në lokal.
Menjëherë pas aksidentit drejtuesi i automjetit është larguar nga vendi i ngjarjes, por falë reagimit në kohë të Policisë është ndaluar dhe është shoqëruar në Komisariatin e Policisë Elbasan, për veprimet e mëtejshme.
Grupi hetimor po punon për sqarimin e rrethanave të aksidentit. Policia e Elbasanit u apelon gjithë drejtuesve të mjeteve të respektojnë rregullat e qarkullimit rrugor!
