Në përfundim të mbledhjes së Këshillit Bashkiak në Shkodër, një grup qytetarësh, kanë ndjekur nga pas për disa minuta deputetin Tom Doshi i pranishëm në konstituimin e këshillit.
Të irrituar një pjesë e protestuesve kanë thirrur kundër Doshit, madje kanë hedhur edhe shishe me ujë.
Por pse ndodhi ky irritim i qytetarëve shkodranë me deputetin e këtij qarku, që së fundmi fitoi mandatin si përfaqësues i PSD-së?
Sikundër raportohet fraza që ka krijuar përplasjen ishte ajo që opozita s’ka pse proteston përderisa nuk mori pjesë në zgjedhje.
Kjo deklaratë e Doshit ka irrituar qytetarët që e kanë ndjekur deputetin deri te pedonalja, aty ku ai më pas iu ka humbur nga sytë.
Forca të shumta policore janë angazhuar për të shmangur incidentet mes qytetarëve dhe deputetit, që ka preferuar të ulet në një prej lokaleve të zonës dhe të vështrojë vijimin e protestës.