Një incident është shënuar në autostradën Tiranë-Elbasan, pasi një autobus i tifozëve të Partizanit është përfshirë nga flakët.
Ata po ktheheshin në kryeqytet pas fitores kundër Kukësit në Superkupë 4-2, duel i luajtur në “Elbasan Arena”.
Fatmirësisht, nuk raportohet për të lënduar nga kjo situatë e pazakonte, vetëm pak panik në momentin kur u kuptua se pjesa e mbrapme e autobusit ishte përfshirë nga flakët.
Shkak mendohet se është bërë një manovrim i gabuar i shoferit. Ai është shoqëruar në polici, ku po merret në pyetje për të zbardhur të plotë ngjarjen. Zjarrfikësja ka mbërritur në vendin e ngjarjes, ku po punon për shuarjen e flakëve.
Tifozët zbritën nga mjeti me shpejtësi duke e braktisur atë pa pasoja. Udhëtimi i tyre drejt Tiranës u bë e mundur me mjete të tjera.