Ish-Kryeministri Sali Berisha akuzon George Soros si mbështesin e ndërtimit të narkoshtetit nga Edi Rama.
Përmes një postimi në rrjet, Berisha shprehet se Soros mbështet platformën e legalizimit të drogës.
“George Soros, monstra e spekullimit financiar planetar, frymëzuesi dhe mbështetësi i ndërtimit të narkoshtetit nga Edvin Kristaq Mafia në Shqipëri”, shkruan Berisha.
Ish-Kryeministri edhe më parë ka akuzuar Soros lidhur me mbështetjen që i jep Ramës dhe Rilindjes në Shqipëri.
“Shoqëria civile e Xhorxh Sorosit është një mafie e rrezikshme nga më të rrezikshme në histori të vendit. Unë i njoh disa prej tyre dhe u them të largohen nga një netëork mafioz. Ditën e parë të instalimit të sorosianëve në Shqipëri. Në rast se u kujtohet një Nazy bashkë me Abrahamin, çdo ditë bënin punën e agjentëve serbë në Shqipëri derisa i regjistroi SHISH me përfaqësuesit e shërbimeve jugosllave dhe kur Sorosi e mori vesh erdhi me urgjencë duke i tërhequr nga Shqipëria.
Unë këto konsiderata për të i kam që në 93 dhe çfarë ishte u faktua në reformën në drejtësi. Reforma u nis nga dega e Sorosit për të shndërruan drejtësinë në degë ekzekutive. Është meritë historike e opozitës sepse e bllokoi me Venecian. Sorosi dhe networki i tij bllokoi krijimin e KLP-së.
Absolutisht. Beteja ime me Sorosin është që në 93-n. Shqiptarët duhet të shohin se si këta bllokuan për 6 muaj KLP-në dhe dje e zhbllokuan kur Edi Rama zgjodhi kryeprokurorin. Ka akt më të pështirë të një mafie antishqiptare”, ka deklaruar Berisha në fillim të muajit korrik në një studio televizive.
