Shpartallohet banda italo-shqiptare që grabiti shtëpitë në Alba e Bra në Itali, shkruajnë mediat italiane.
Në datat 14 deri në 21 qershor 2015, në fshatin Pollenzo të Bra, dy të panjohur hynë duke kërkuar falje në shtëpinë shumë modeste të të një rrobaqepëseje në pension, 84-vjeçares Mariangela Prandi, e cila jetonte vetëm.
Kriminelët e grabitën dhe vëllai dhe fqinjët që jetonin në të njëjtën fermë, e gjetën të vdekur tek shkallët disa orë më vonë.
Reparti operativ i Cuneo dhe hetuesit erdhën dhe nisën hetimet.
Kufoma ishte e shtrirë në shkallët e shtëpisë, me disa shirita që tregonin se e kishin lidhur pas një karrigeje.
Gruaja plakë duket se kishte arritur të çlirohej vetë dhe më pas, duke dashur të zbresë poshtë shkallëve për të kërkuar ndihnë, ka rënë duke goditur kokën prapa dhe ka vdekur menjëherë. Hajdutët ikën me hiçmosgjë me vete: 5 euro, një dylbi dhe një celular.
Gruaja ishte e njohur dhe e dashur për të gjithë në atë zonë dhe nganjëhërë ajo luante lotari në një dyqan duhani jo shumë larg shtëpisë së saj dhe vetëm disa javë para se ta grabisnin, kishte fituar 4300 euro në lotari!
Ajo nuk e kishte mbajtur sekret, por kishte ftuar të gjithë banorët e shtëpisë në fermë që me shpenzimet e saj, të shkonin e të festonin në një restorant popullor të zonës.
Duket se pikërisht nga kjo ka filluar plani i hajdutëve, që kanë vendosur për ta grabitur pensionisten.
Hetimi qe shumë kompleks dhe zgjati thuajse një vit me përgjim mjedisore dhe në vende të ndryshme për të hedhur dritë mbi vdekjen absurd të Mariangela-s.
Por, nuk ishte vetëm ajo, por edhe disa shtëpi të tjera në Roero që ishin vjedhur gjatë natës nga i njejti grup kriminal dhe që kishte ngritur policinë në alarm në një operacion të quajtur “Roero siguro”.
Përcaktues për hetimet kanë qënë kamerat e instaluara përgjatë rrugëve kryesore të zonës , ku karabinierët kanë identifikuar makinën e përdorur, një Fiat Panda blu.
Banda, kundër të cilës prokurori ka kërkuar marrjen e masave përbëhet nga 5 persona: 2 italianë dhe 3 shqiptarë të gjithë me precedent penalë për vjedhje.
Tre shqiptarët janë:
Pashk Pjetri, 25 vjeç, shqiptar me banim në Verona, është në burg.
Zef Ndreca, 24 vjeç, banor i Trezzano sul Naviglio, që iku në Gjermani menjëherë pas vrasjes së gruas së vjetër, por që policia e gjeti dhe e arrestoi në bashkëpunim me policinë e Barit, kur ai po tentonte të nisej me traget për në Shqipëri dhe i treti, një 20-vjeçar që është ende në kërkim nga policia.
