Një ngjarje e rëndë ka ndodhur mëngjesin e kësaj të shtune në Metaponto, Itali, ku një nënë shqiptare ka ndërruar jetë teksa po lahej në det me të bijën 6-vjeçare, e cila është jashtë rrezikut për jetën.
Mediat fqinje raportojnë se ngjarja ndodhi rreth orës 11:30 të ditës së sotme.
Sipas dëshmitarëve okularë, e ndjera ka kërkuar ndihmën e rojeve të plazhit, të cilët ndërhynë duke e nxjerrë së bashku me të miturën në breg, ku iu dha ndihma e parë.
Më pas, nënë e bijë u transportuan për në Spitalin San Carlo të Potenza-s.
Fatkeqësisht 26-vjeçarja ndërroi jetë, pavarësisht ndërhyrjes së mjekëve dhe përdorimit të defibrilatorëve.
Ndërkohë që po kryhet autopsia e trupit të së ndjerës për të mësuar më shumë rreth shkaqeve të vdekjes.
