Pushimet verore janë një ilaç i vërtetë për familjen, pas një viti pune, kopshti dhe shkolle. Megjithatë, pushimet e plazhit mund të fshehin shumë kurthe dhe të gjenerojnë një nivel të lartë të stresit në familje. Në këtë rast, si për çdo gjë që ka të bëjë me familjen, është e përshtatshme të nisni me organizimin e përshtatshëm.
Kryesorja është të kujdeseni siç duhet për fëmijët.
Plazhi- Ka vende të bukura detare me natyrë të egër dhe shkëmbore. Por, kur keni fëmijë, plazhi me rërë është gjithmonë zgjidhja më e mirë. Sepse shmangni lëndimin e fëmijëve në shkëmbinj.
Deti- Fëmijët në det duhet të monitorohen vazhdimisht, edhe në qoftë se ata mund të notojnë. Prandaj, ju duhet të mbani sytë hapur, kur fëmija është në ujë. Gjithashtu është e këshillueshme për t’i pajisur ata me një jelek shpëtimi edhe kur janë duke luajtur në breg. Sepse fëmijët duke luajtur shkojnë në thellësi.
Ndihma e shpejtë– Prekja nga ndonjë kandil deti deri në pickimin e grenzës apo këmba e vendosur gabimisht në një guaskë të thyer, janë disa nga rreziqet e plazhit. Ndaj një kuti e ndihmës së shpejtë që përfshijë: Akull, dezinfektues, garza, krem për pickimin e insekteve dhe barna në rast alergjie nga insektet, duhet patjetër ta keni me vete.
Pijet freskuese– Asnjëherë mos shkoni në plazh me fëmijët pa furnizimet adekuate të ujit dhe ushqimit. Në fakt, pushimet në plazh me një fëmijë mund të kthehen në një makth në qoftë se fëmija është i etur ose i uritur. Mbajini fëmijët në hije dhe me kapele në pikun e drekës.
Burimi: TgCom24
