Një djalë 3 vjeç i quajtur Aayan, fatkeqësisht humbi jetën, pasi gëlltiti tre tableta që përdoreshin nga nëna e tij kundër depresionit.
E ëma 28-vjeçare, Shahrish Idris, pranoi fajin për neglizhencën e fëmijës dhe u dënua me burg.
Gjykatësi, David Stockdale tha se ajo “nuk e dëmtoi Aayan” dhe “nuk shkaktoi vdekjen e tij”, por ishte fajtore për “mizori duke e vënë atë në rrezik”.
“Aayan u gëzua që kishte bërë banjë dhe rreth orës 9:00 ku edhe kishte marrë me vete lodrat Peppa Pig për të luajtuar me to. Gjatë kësaj kohe unë u ula për pesë ose dhjetë minuta në kuzhinë, zbrita poshtë për të marrë rrobat e tij, dhe të palosja disa të tjera gjithashtu”, ka thënë ajo në gjykatë.
“Kur u ktheva nuk dëgjoja asgjë, me të hyrë në banjë e gjeta të shtrirë. Unë mendoj se ai e kishte të pamundur të përballej me këtë situatë. Kontaktova ndihmën e shpejtë, mjekët ishin në panik”, ka theksuar ajo.
“Ai ishte një djalë i bukur. Së fundmi kishte filluar të shkonte në çerdhe, 15 orë në javë. Atij i pëlqente të shkonte atje. Ai gjithmonë më dëgjonte. Ai ishte thjesht djali i vogël i përsosur”, ka thënë nëna me lot në sy.
Dy patologë që punuan për rastin thanë se nuk mund të përjashtonin mbytjen ose arrestin kardiak. Të dy vunë re se nuk kishte shenja të dëmtimit serioz dhe e etiketuan shkakun e vdekjes si të rastësishëm.
