Dy persona janë plagosur pas një përleshjeje me thika që ka ndodhur në rrugën “Ahmet Dërguti” në lagjen Arbëria në Prishtinë.
Sipas zëdhënësit të Policisë, Baki Kelani, dyshohet se personat e lënduar janë therur me thikë.
Ai tha se viktimat janë dërguar për trajtim në QKUK derisa nuk ka bërë të ditur arsyet e përleshjes, njofton Koha.net.
“Me 15.08.19 rreth orës 22:00, në rrugën Ahmet Derguti të lagjes Arbëria ka ndodhur një rrahje në mes të disa personave.
Si pasojë e rrahjes dy persona kanë pësuar lëndime, dyshohet se personat kanë pësuar lëndime të rënda nga mjeti i ftohtë thikë.
Njësitet policore kanë dalë menjëherë në vendin e ngjarjes dhe janë duke kryer hetime intensive lidhur me rastin, përderisa dy personat e lënduar janë duke u trajtuar ne QKUK”, ka thënë ai.
