Një sherr mes dy grupesh në Peshkopi ka sjellë plagosjen e disa personave. Nga të dhënat paraprake nga burime të policisë lokale, 6 persona janë lënduar.
Dyshimet paraprake janë se dy grupet janë përplasur me njeri-tjetrit në bulevardin e qytetit me sende të forta për motive të dobëta. Gjithashtu, përplasja ka vijuar edhe në spital, ku të plagosurit e dy grupeve u dërguan pas përplasjes në bulevard.
“Rreth orës 20.15, në qytetin e Peshkopisë, për motive të dobëta janë konfliktuar me sende të forta disa shtetas, (krushqi me njëri tjetrin), ku për pasojë janë dëmtuar lehtë, të cilët po marrin ndihmë mjekësore në spitalin e Peshkopisë. Grupi hetimor po kryen veprimet në vendngjarje, si dhe po punohet për sqarimin e rrethanave të kësaj ngjarjeje“, njoftoi policia.
